Coidados de longa duración, mercados e desigualdades. Axencias de intermediación, plataformas dixitais e cooperativas de traballadoras.- CAREMARKETS
- Código: PID2024-155905OB-I00
- Entidade financiadora: Proyectos de Generación de Conocimiento 2024. Ministerio de Ciencia e Innovación
- Duración: Data de Inicio: 01-09-2025 Data de Finalización: 31-08-2028
- Cuantía da subvención: 67.125 €
- Investigadora responsable: Martínez Buján, R. (UDC)
- Nº Investigadores participantes: Equipo Investigación (Laura Suárez, Andrea Souto, Antía Eijo, Noelia Teijeiro, Raúl Rey);
- Ligazón á resolución: https://www.aei.gob.es/sites/default/files/convocatory_info/file/2025-07/PID2024-PRP-Texto%2BAnexo-Firmada.pdf
Resumo do proxecto:
En España, a provisión de coidados de longa duración nos fogares está a experimentar unha nova fase de mercantilización caracterizada polo auxe de novas opcións na comercialización do traballo doméstico. Entre elas destacan, pola súa influencia no mercado, as axencias de intermediación e prestación de coidados, as plataformas dixitais e as cooperativas de traballadoras sen ánimo de lucro. Este proxecto de investigación diríxese á xeración de coñecemento científico en relación con estas dinámicas mercantís, os procesos económicos e políticos que animaron o seu despliegue, os modelos de negocio baixo os que operan, o seu potencial impacto na reconfiguración laboral do traballo no sector e os valores culturais que apoian a súa actividade empresarial. A través dunha metodoloxía que combina a análise cuantitativa e cualitativa desde un enfoque participativo con actores/actrices chave e incorporando unha perspectiva de xénero e interseccional, analízase como, en España, a provisión de coidados de longa duración nos fogares converteuse nun territorio en disputa debido á convivencia destas dispares pautas mercantís. Pártese dun dobre obxectivo en relación coa súa recente expansión. En primeiro lugar, explora a potencial interrelación entre o seu recente auxe e os programas sociais públicos orientados a cubrir as necesidades de coidados nos domicilios. En segundo lugar, a través dunha análise comparativa da súa actividade, estuda en que medida están a crearse novas pautas laborais no sector que transitan cara a procesos híbridos de traballo formal/informal e en que sentido estanse reconfigurando as competencias laborais que definen a profesionalización desta actividade.