Antonio Alejo
Antonio Alejo é colaborador do Grupo de Investigación en Socioloxía da Migración Internacional da Universidade da Coruña e é investigador asociado no Instituto Galego de Análise e Documentación Internacional (España). Actualmente investiga sobre diplomacia urbana, cidades e mobilidade humana en Galicia. Ten un doutoramento (2011) en Procesos Políticos Contemporáneos da Universidade de Santiago de Compostela, e realizou bolsas posdoutorais na Universidade Erasmus de Róterdan (ISS-A Haia) e a Universidade Nacional Autónoma de México (UNAM). Investiga sobre socioloxía global, transformacións diplomáticas e mobilidade humana desde máis aló das perspectivas estatais e posnacionais. O Dr. Alejo escribiu para revistas en español e inglés, así como para libros de autor único en español. Publicou en revistas como Migration Letters, Migraciones, Colombia Internacional, América Latina Policy, POlitics and Policy Education, Citizenship and Social Justice, CIDOB d`Afers Internacionals, and Third World Quarterly.
Paula Alonso
Paula Alonso é doutora en Ciencias Sociais e do Comportamento pola Universidade da Coruña. Licenciada en Socioloxía, especializouse en migracións internacionais e cursou o Máster Oficial de Migracións Internacionais: Investigación, Políticas Migratorias e Mediación Intercultural da Universidade da Coruña (UDC). Actualmente ten un contrato como profesora axudante doutora na Universidade das Palmas de Gran Canaria, onde imparte materia do Departamento de Psicoloxía, Socioloxía e Traballo Social. Anteriormente foi investigadora posdoutoral Margarita Salas na Universidade da Laguna. Entre 2015 e 2021 desempeñou tarefas como técnica de investigación do Equipo de Investigación Sociedades en Movemento (ESOMI) e como PDI na Universidade da Coruña e Universidade de Vigo en materias do Departamento de Socioloxía.
As súas liñas de investigación céntranse no uso dos tempos educativos e sociais en adolescentes migrantes, estratexias educativas de familias migrantes, procesos de socialización de menores migrantes e política educativa. A súa tese de doutoramento «Adolescencias migrantes a contracorriente: tiempos de vida y escuela en el alumnado de Enseñanza Secundaria Obligatoria» obtivo a cualificación de sobresaliente cum laude e mención internacional. As súas liñas de investigación céntranse no uso dos tempos educativos e sociais en adolescentes migrantes, estratexias educativas de familias migrantes, procesos de socialización de menores migrantes e política educativa. Foi investigadora en formación no marco do programa FPI (Formación do Persoal Investigador), no grupo de investigación Pedagoxía Social e Educación Ambiental (SEPA) da Universidade de Santiago de Compostela.
Na súa traxectoria de investigación formouse en 8 centros nacionais e internacionais como: Institute for Social Science in the 21th century (ISS21), Universidad de Cork (Irlanda); Centro de Infancia y Mundo Urbano (CIIMU), Barcelona (España); Instituto de Investigación en Educación (IEE), Universidad Veracruzana Intercultural de Xalapa (México); Universidad de Buenos Aires (UBA); Instituto de Planejamento Urbano e Regional (NIEM), Universidade Federal de Río de Janeiro, Río de Janeiro (Brasil) e a Escola de Artes e Ciencias Humanas (EACH) da Universidade de Sao Paulo (Brasil) ou a Universidad de La Laguna (ULL).
Ten experiencia na participación de 2 proxectos de investigación pertencentes ao Programa H2020: INCASI-H2020 e Welcoming Spaces-H2020 e un JPI (PCI2021-121924). Formou parte do equipo de traballo de 5 proxectos de investigación do Plan Nacional de Investigación Científica, Desenvolvemento e Innovación Tecnolóxica (FEM2015-6714R, FEM2011-26210, PSI2008-0436S, EJ2007-63179), un proxecto estatal da AECID e tres da Xunta de Galicia.
Entre as súas publicacións destacan:
- Alonso-Pardo, P., Oso, L. & Santaballa, L. Newcomers and ‘Roots Migrants’: Chain Migrations and the Revitalization of Rural Shrinking Areas in Spain;
- Alonso Pardo, P.; Diz, C. (2021) La ciudad adolescente: escuela, vida cotidiana y usos del tiempo y del espacio en estudiantes autóctonos migrantes de Educación Secundaria Obligatoria;
- Alonso Pardo, P. (2021): Las experiencias de la migración ante el espejo del Estado;
- Alonso, P. (2014) «El impacto de las políticas educativas en la carrera formativa de jóvenes marroquíes». En Natalia Ribas Mateos e Sofía Laiz (eds.) Movilidades Adolescentes. Elementos teóricos emergentes en la ruta entre Marruecos y Europa. Barcelona: Bellaterra;
- Alonso Pardo, P.; Varela Crespo, L. e Teijeiro Bóo, Y. (2011): El valor del tiempo en los procesos educativos de integración e inclusión social, Educación Social. Revista de Intervención Socioeducativa. Barcelona. Páxs. 74-83. ISSN: 1135-8629;
- Alonso, P.; Villares Varela, M. (2009): El empresariado étnico en A Coruña: redes socio-espaciales de su asentamiento desde la etnografía urbana. Zainak, Ciudades Globales y culturas locales. Donostia. Vol. 32, Páxs. 1185-1207. ISBN: 978-84-8419-187-2 (Tomo II); 978-84-8419-189-6 (O.C.).
Concepción Carrasco
Doutora en Ciencias Económicas e Empresariais, Universidade de Alcalá, Facultade de Ciencias Económicas e Empresariais
Concepción é doutora en Ciencias Económicas pola Universidade de Alcalá coa tese Mercados Laborales de los Inmigrantes Económicos (1998). Profesora no departamento de Fundamentos de Economía e Historia Económica da Universidade de Alcalá, Área de Socioloxía, desde o ano 1999. As materias que imparte actualmente son: Socioloxía Económica e Socioloxía da Educación.
Primeiro Premio IMSERSO á investigación 1998 pola súa tese de doutoramento. Tamén é Premio IMSERSO no seu 25 aniversario como distinción pola súa traxectoria continuada a favor dos inmigrantes e refuxiados.
Foi xerente da Red Acoge-Federación de Asociaciones Pro Inmigrantes durante dez anos. A súa liña de investigación está centrada no fenómeno da inmigración e a súa proxección socioeconómica en España, en concreto: impacto económico e social, protección social, asociacionismo e educación.
Carlos Lubián
Carlos Lubián é profesor axudante doutor na Área de Socioloxía da Universidade de Santiago de Compostela. Doutor en Socioloxía con especialidade en Estudios Migratorios (UGR-UJA-UPO) e Premio Enrique Fuentes Quintana outorgado pola institución FUNCAS pola súa tese de doutoramento titulada «Segregación escolar y estrategias familiares de elección de centro: la población inmigrada en el contexto escolar de Granada (2021)».
No ámbito da investigación, as súas liñas principais enmárcanse nas traxectorias migratorias vinculadas ás desigualdades educativas, en concreto, sobre os factores que inciden na segregación escolar por orixe nacional. Neste marco, realizou estancias de investigación na Universidade de Santiago de Chile e a Universidade de Indiana en Bloomington, Estados Unidos. Participou en diferentes proxectos de investigación enfocados nas traxectorias educativas e laborais (DINAMOS), a desigualdade no acceso aos centros educativos bilingües (EQUIBIL) ou o fenómeno do despoboamento rural (WELCOMING SPACES), entre outros. É autor de diferentes publicacións relacionadas con estas temáticas. Finalmente, desempeña labores de revisor para diversas revistas científicas de alto impacto e editor asociado na revista internacional Education Policy Analysis Archives.
David Ernesto Oshige
David Oshige Adams é contratado como investigador predoutoral pola Universidade de Santiago de Compostela (USC) na Facultade de Humanidades no marco da Bolsa Santander-USC. Encóntrase levando a cabo una investigación para a súa tese de doutoramento sobre as traxectorias de vida e as percepcións de benestar (wellbeing) das persoas que migraron a Galicia desde Perú.
Formado na Pontificia Universidade Católica do Perú, graduouse en 2004 como bacharel en Letras e Ciencias Humanas con mención en Arqueoloxía; logo fixo a súa tese no altiplano peruano para obter en 2010 a licenciatura en Arqueoloxía e, posteriormente, en 2015 obtivo a mestría en Socioloxía cunha tese sobre os recicladores de lixo en Lima Metropolitana.
En 2021 cursou o Máster de Acción Solidaria Internacional e Inclusión Social na Universidade Carlos III de Madrid e desde o 2022 atópase desenvolvendo o seu doutoramento en Estudos Culturais: Memoria, Identidade, Territorio e Linguaxe.
María Villares – Varela
María Villares-Varela é profesora de Socioloxía (lecturer/assistant professor)no Departamento de Socioloxía, Política Social e Criminoloxía da Universidade de Southampton (Reino Unido), e investigadora asociada do Centre for Research in Ethnic Minority Entrepreneurship (CREME), Birmingham (Reino Unido) e do International Migration Institute Network (IMI-n), University of Amsterdam (Países Baixos).
O seu traballo centrouse en dúas liñas principais de investigación: a incorporación laboral de migrantes como pequenos empresarios en España e en Reino Unido, cun especial interese na influencia da clase social e o xénero nas súas experiencias laborais; e a intersección entre política migratoria e procesos de mobilidade. Na actualidade, investiga a influencia de organizacións relixiosas no apoio empresarial de novos migrantes en contextos neoliberais e de austeridade cun proxecto financiado pola British Academy/Leverhulme Trust. Publicou a súa investigación en numerosas revistas de gran prestixio internacional, como Sociology; Work, Employment and Society; Journal of Ethnic and Migration Studies, Urban Studies e Population and Development Review